संतोष जोशी

नांदेड: नांदेडमध्ये पैश्याच्या हव्यासापोटी परप्रांतीय पिता-पुत्राचा खुन करुन पुरावा नष्ट करण्याचा धक्कादायक प्रकार उघडकीस आलाय. कुंडलवाडी येथे ही घटना घडलीय. राजस्थान येथील मजूर पिक काढणीची मशीन घेऊन कुंडलवाडी येथे आले होते. पैश्याच्या कारणावरून मजूरांमध्ये भांडणं झाली यातून इतर मजुरांनी (45) वर्षीय रशीद खान आणि (17) वर्षीय अमजद खान यांचा लोखंडी राॅड, काठ्याने मारहाण करुन खुन करण्यात आला.

पुरावा नष्ट करण्यासाठी रशीद खानचा मृतदेह पुरला तर अमजद खान याचा मृतदेह यवतमाळ जिल्ह्य़ात नेऊन टाकला. रशीद खान यांच्या पत्नीने दिलेल्या तक्रारीनंतर पोलीस तपासात हे धक्कादायक वास्तव समोर आलयं. अतिरिक्त पोलीस अधीक्षक विजय कबाडे यांनी तपास चक्रे फिरवून पिता- पुत्राच्या खुनाचा छडा लावलाय.

हे देखील पहा-

या प्रकरणात पोलिसांनी पाचजणांना अटक केलीय. रशीद खान यांचे कुंडलवाडी जवळ पुरलेले मृतदेह काढला तर यवतमाळ मधून अमजद खान याचा मृतदेह पोलिसांनी ताब्यात घेतलाय. कुंडलवाडीत पिता पुत्राच्या खुनाची घटना उघडकीस आल्याने खळबळ उडाली आहे.