- सिद्धेश म्हात्रे

नवी मुंबई : खारघरमध्ये (kharghar) एक महिलेला (women) इन्स्टाग्रामवरील मैत्री चांगलीच अडचणी ठरली आहे. इन्स्टाग्रामवर एका महिलेशी मैत्री झाल्यावर दोघांमध्ये चांगले नाते निर्माण झाले. नाते इतके घट्ट झाले की दोघींनी एकमेकांना आपले खाजगी फोटो देखील शेअर केले.

त्यानंतर इन्स्टाग्रामवरील (instagram) मैत्रिणीने ते खाजगी फोटो तिच्या पुरुष मित्रांना पाठवले. संबंधित मित्रांनी महिलेला तिचे खाजगी फोटो दाखवून सोशल मीडियावर व्हायरल करण्याची धमकी देत टप्प्याटप्प्याने तब्बल 12 लाख रुपये उकळले.

पैशाची मागणी वाढतच गेल्याने महिलेनं खारघर पोलिस ठाणे गाठत तक्रार दाखल केली. खारघर पोलिसांनी इन्स्टाग्राम वरील मैत्रीण आणि तिच्या दोन पुरुष मित्रांवर फसवणुकीचा आणि विनयभंगचा तसेच आयटी कायदानूसार गुन्हा दाखल.

याप्रकरणी एकाला हिमाचल प्रदेश मधून अटक करण्यात आली. अन्य दोन संशयित आरोपींचा पाेलीस तपास करीत आहेत. यावेळी सोशल मीडियावर खाजगी माहिती शेअर करताना काळजी घेण्याचे आवाहन नवी मुंबई पोलिसांनी केले आहे.

Edited By : Siddharth Latkar