अजय दुधाणे, साम प्रतिनिधी

कल्याणच्या हारण्या अन् रायफलनं केली कमाल अन् उडवून दिली नुसती धमाल. नाद करा पण हरण्या अन् रायफलचा कुठं. एकदा पळाली का नुसती भिंगरी. जागेवर धुरळा. विरोधक गार. मालक सध्या या बैलजोडीवर फूल टू फिदा हाय... जोडीनं कारमानाच केलाय तसा हिंद केसरी जिंकायचा.

बघा की कशी हाय जोडी जय - वीरुची गुलालानं भरलेली. विजयाचा गुलाल पट्ट्यांनी सलग तिसऱ्यांदा उळधळलाय. दणक्यात हॅट्रीक. साताऱ्याचं मैदान कसं भरलंय पब्लिकनं एकदम टच. ती बी गुलीगत.आता हिकडं बघा डोंगरावर माणसं बसल्याती का माणसांचा डोंगर झालाय हीच कळना. फायनलची शिट्टी वाजली हरण्या अन् रायफल बुलेटच्या स्पीडनं सुसाट. सेकंदात त्या टोकाला अन् विजयाची माळ गळ्यात.

पट्यानं पहिल्यानंबरचं एक लाख रुपयाचं बक्षीस मालकाला जिंकवून दिलंय ती 2000 बैलातनं गड्याच्या गोठ्यात बक्षीसांचा ढीग लागलाय. एखाद्या खेळाडूच्या घरात असतू तसा. मालक हरण्या अन् रायफल वरुन जीव ववाळून टाकतूय. शेवटी बैल ही दौलतच असतीय उग कोण म्हणत नाय एक तर दावणीला असावं.