अभिजित देशमुख 
कल्याण : तिकीट बुकिंग करण्याच्या नावाखाली बेकायदेशीरपणे महागड्या विदेशी मद्याची विक्री केली जात होती. विक्री करणाऱ्या एकाला राज्य उत्पादन शुल्कच्या कल्याण विभागाच्या पथकाने उल्हासनगर येथे एका दुकानात छापा टाकत ताब्यात घेतले आहे. या कारवाईत सुमारे १ लाख रुपयांपेक्षा अधिक किमतीचे मद्य जप्त करण्यात आले आहे. 

उल्हासनगरमधील गांधी रोड परिसरातील यश क्रिएशन शॉप नंबर ६ मध्ये अवैधरित्या मद्याचा साठा करण्यात आल्याची माहिती उत्पादन शुल्क विभागाला मिळाली होती. मिळालेल्या माहितीच्या आधारे कल्याणच्या राज्य उत्पादन शुल्क विभागाचे अधीक्षक प्रवीण तांबे यांच्या मार्गदर्शनाखाली सदर ठिकाणी छापा टाकण्यात आला. या दुकानात तिकीट बुकिंग च्या नावाखाली महागड्या विदेशी मद्याची बेकायदेशीरपणे विक्री सुरू होती.

परदेशातून आयात करत मद्याचा साठा 

या कारवाईत राजेश विषणदास छाबरिया याने परदेशातून आयात केलेल्या स्कॉच या मद्याचा विनापरवाना साठा केल्याचे आढळून आला. या मद्याची किमंत १ लाख ७ हजार ८२९ रुपये असून हे मद्य जप्त करत राजेश छाबरिया यात अटक करण्यात आल्याची माहिती राज्य उत्पादन शुल्कचे निरीक्षक दीपक परब यांनी दिली.

बदलापुरातील तीन कत्तलखाने जमीनदोस्त 

बदलापूर पोलिसांनी काही दिवसांपूर्वी या कत्तलखान्यांवर धाड टाकत कारवाई केली होती. यानंतर गुरुवारी भाजप आमदार अतुल भातखळकर यांनी याबाबत विधिमंडळ अधिवेशनात तारांकित प्रश्न उपस्थित केला होता. यानंतर ऍक्शन मोडमध्ये आलेल्या पालिका प्रशासनाने कत्तलखान्यांवर बुलडोझर चालवत ते जमीनदोस्त केले. या मोठा पोलीस बंदोबस्त तैनात करण्यात आला होता.