अभिजीत देशमुख

कल्याण : कल्याण पूर्व भागातील विजयनगर परिसरात बाळासाहेबांची शिवसेना पक्षाचे बॅनर गेल्या (Kalyan News) सहा महिन्यापासून फाडले आणि काढले जात होते. त्यामुळे बॅनर लावणाऱ्या पदाधिकाऱ्याने सीसीटीव्ही (CCTV) लावले. तेव्हा धक्कादायक प्रकार समोर आला. या सीसीटीव्हीत एक व्यक्ती बॅनर काढून फेकताना दिसून आला. (Tajya Batmya)

कल्याण पूर्व भागातील विजयनगर परिसरात बाळासाहेबांची शिवसेना पक्षाच्या माजी नगरसेविका माधूरी काळे यांच्याकडून गेल्या सहा महिन्यांपासून बॅनर लावले होते. मात्र रात्रीच्या अंधारात कधी फाडले जात होते. तर कधी काढले जात होते. अखेर त्या व्यक्तिला शोधण्यासाठी त्यांनी सीसीटीव्ही लावले. या सीसीटीव्हीत बॅनर काढून फेकणारा व्यक्ती दिसून आला आहे.

दरम्यान याच व्यक्तीने काळे यांच्या कार्यकर्त्यांना या ठिकाणी बॅनर लावू नये असे सांगितले होते. यावरुन वाद झाला होता. तो व्यक्ती सातत्याने बॅनर काढण्याचे काम करीत होता. या प्रकरणी कोळसेवाडी पोलिस ठाण्यात काळे यांच्या कार्यकर्त्यांनी तक्रार केली. अखेर पोलिसांनी बॅनर काढणाऱ्या करण आणि त्याच्या दोन साथीदारांच्या विरोधात गुन्हा दाखल केला आहे. पुढील तपास पोलिस करीत आहे.