Sahakar Shiromani Vasantrao Kale Sahakari Sakhar Karkhana Election : वसंतराव काळे साखर कारखाना निवडणुकीच्या रिंगणात कल्याणराव काळे (kalyanrao kale) गट विराेधात दिपक पवार (deepak pawar) गट एकमेंकासमाेर उभे ठाकले आहेत. यामुळे राष्ट्रवादी काॅंग्रेसच्या (ncp) गाेटात फूट पडल्याची जाेरदार चर्चा साेलापूर (solapur) जिल्ह्यात सुरु झाली आहे. (Maharashtra News)

पंढरपूर तालुक्यातील भाळवणी येथील वसंतराव काळे सहकारी साखर कारखाना निवडणुकीसाठी चुरस निर्माण झाली आहे. या कारखान्याचे अध्यक्ष कल्याणराव काळे यांनी शक्तीप्रदर्शन करत मंगळवारी (ता. 16) उमेदवारी अर्ज दाखल केला. त्यापूर्वी छत्रपती शिवाजी महाराज चौकातून मोटार सायकल रॅली काढण्यात आली हाेती.

या रॅलीत ग्रामीण भागातील शेकडो कार्यकर्ते व सभासद सहभागी झाले होते. काळे यांच्या विरोधात नुकतेच राष्ट्रवादीत प्रवेश केलेले विठ्ठल सहकारी साखर कारखान्याचे अध्यक्ष अभिजीत पाटील यांनी आव्हान उभे केले आहे. या पार्श्वभूमीवर काळे यांनी ही शक्तीप्रदर्शन करत उमेदवारी अर्ज दाखल केले. कारखान्याच्या निवडणुकीच्या निमित्ताने राष्ट्रवादीचे दोन नेते आमने सामने येणार आहेत.

दरम्यान वसंतराव काळे साखर कारखाना निवडणुकीत कारखान्याचे अध्यक्ष तथा राष्ट्रवादीचे नेते कल्याणराव काळे यांच्या विरोधात राष्ट्रवादीचे माजी तालुकाध्यक्ष दिपक पवार यांनी पॅनल तयार केले आहे. आज पवार यांच्या पॅनलकडून 30 उमेदवारांनी अर्ज दाखल केले. पवार यांनी उमेदवारी अर्ज दाखल केल्याने राष्ट्रवादीत फूट पडल्याची चर्चा सुरु झाली आहे.

सत्ताधारी काळे गटाच्या विराेधात जवळपास 50 जणांनी उमेदवारी अर्ज दाखल केले आहेत. यंदा मोठ्या संख्येने उमेदवारी अर्ज दाखल झाल्याने निवडणूकीत रंगत निर्माण झाली आहे. राष्ट्रवादीमध्येच लढत होत असल्याने या निवडणुकीकडे सोलापूर जिल्ह्याचे लक्ष लागले आहे. येत्या पाच जूनपूर्वी ज्येष्ठ नेते शरद पवार (sharad pawar latest news) यांच्या समवेत सर्व पदाधिका-यांची बैठक घेणार असल्याचे समजते. या बैठकीत काेणता निर्णय हाेणार याची उत्सुकता सभासदांना लागली आहे.

Edited By : Siddharth Latkar