अभिजित देशमुख

कल्याण : डोंबिवली रामनगर पोलिसांनी एका दुचाकी चोराला बेड्या ठोकल्यात. गणेश म्हाडसे असे या चोरट्याचे नाव आहे. पोलीस (Police) तपासात त्याने दुचाकी का चोरी केली याचे धक्कादायक (Dombivali) कारण समोर आले. दूध वाटप करण्यासाठी गणेशने दुचाकी चोरी केली आहे. (Latest Marathi News)

गणेश मुरबाड खापरी गावातील राहणारा आहे. गणेशने मुरबाड येथे दुधाचा व्यवसाय सुरु केला होता. दूध टाकण्यासाठी त्याला दुचाकीची गरज होती. मात्र आर्थिक परिस्थिती नसल्याने त्याला दुचाकी विकत घेता येत नव्हती. अखेर त्याने दुचाकी चोरी करण्यासाठी निर्णय घेतला. गणेशने डोंबिवली गाठली. डोंबिवली पूर्वेकडील सारस्वत कॉलनी परिसरातून दुचाकी चोरली. डोंबिवली रामनगर पोलिसांनी चोरीला गेलेल्या दुचाकीचा शोध सुरु केला व गणेशचा भांडाफोड झाला.

डोंबिवली रामनगर परिसरात काही दिवसांपूर्वी दुचाकी चोरीचा गुन्हा दाखल झाला. याप्रकरणी डोंबिवली रामनगर पोलिसांनी तत्काळ दुचाकी चोरट्याचा शोध सुरू केला. डोंबिवली पूर्व सारस्वत कोंडी परिसरातील सीसीटीव्ही फुटेज व तांत्रिक तपासाचे आधारे डोंबिवली रामनगर पोलिसांनी दुचाकी चोरणाऱ्या गणेश म्हाडसे याला अटक केली. त्याच्या जवळून चोरी केलेली दुचाकी देखील हस्तगत करण्यात आली.