अभिजीत देशमुख

कल्याण : कल्याणच्या दुर्गाडी पुलाजवळ ट्रकचा टायर खराब झाल्याने ट्रक बाजूला घेऊन उभा असलेल्या ट्रक चालकाची अज्ञात इसमानी चाकुने भोसकून हत्या केल्याची घटना (Kalyan) कल्याणमध्ये घडली. हल्ला करून हल्लेखोर पसार झाले असून याप्रकरणी खडकपाडा पोलीस ठाण्यात गुन्हा दाखल करण्यात आला आहे. (Breaking Marathi News)

कल्याण पश्चिमेत एका ट्रक चालकाची धारदार शस्त्राने हत्या करण्यात आल्याची घटना घडली. भोलाकुमार महतो असे मयत (Crime News) ट्रकचालकाचे नाव आहे. भोलाकुमार आज पहाटेच्या सुमारास ट्रक घेऊन शहाडच्या दिशेने जात होता. दरम्यान कल्याण दुर्गाडी पुलाजवळ त्याच्या ट्रकच्या टायरमध्ये बिघाड झाला. त्यामुळे त्याने ट्रक बाजूला घेतला व तो खाली उतरला. 

हल्लेखोरांचा शोध सुरु 

याच दरम्यान दुचाकीवरून आलेल्या अज्ञात इसमांनी चाकूने भोसकून त्याची हत्या केली. घटनेनंतर अज्ञात हल्लेखोर पसार झाले. या प्रकरणी खडकपाडा पोलीस ठाण्यात हल्लेखोरां विरोधात गुन्हा दाखल करण्यात आला असून पोलीस हल्लेखोरांचा शोध घेत आहेत.