जुन्‍नर : जुन्नर तालुक्यातील आदिवासी भागातील कुकडेश्वर (Junnar) येथे घराजवळील विहिरीवर कपडे धुण्यासाठी गेलेल्या पत्नीला विहिरीतून वाचविताना पती– पत्नी दोघांचाही बुडून मृत्यू झाल्याची दुर्दैवी घटना घडली. सहा महिन्यांपूर्वीच या दोघांचे (Marriage) लग्न झाले होते. (Breaking Marathi News)

सागर बाळू दिवटे व नाजूका सागर दिवटे या अपघातात मृत (Death) झाले आहेत. कुकडेश्वर येथील विहिरीवर घरातील कपडे अंथरुण व कपडे धुण्यासाठी दिवटे कुटुंबातील नवविवाहित महिला गेली होती. यावेळी विहिरीच्या कडेवर पाण्याने ओलसर भाग झाल्याने कपडे धुताना तिचा पाय घसरुन विहिरीत पडली. यावेळी वाचविण्यासाठी नाजिका दिवटे यांनी आरडा ओरड केली.

मोबाईलवर सुरू होते गाणे

पत्‍नीचा आवाज आल्‍याने पती सागर धावत येऊन पत्नी नाजुकाला वाचविण्यासाठी विहिरीत उडी मारली. मात्र पोहण्याचा सराव नसल्याने दोघांचाही पाण्यात बुडुन दुदैवी मृत्यु झाला. विहिरीच्या काठावर गाणे सुरू असलेला मोबाइल व विहिरीत तरंगणारी बादली दिसल्यामुळे हा प्रकार उघडकीस आला.