Junnar News: लग्न म्हटलं की काहीतरी आगळंवेगळं आणि हटकेबाज करण्याकडे नागरिकांचा कल वाढला आहे. कधी वधू मुलगी थेट बुलेटवर येते, तर कधी वधु– वर मंडपात चारचाकी घेवून येतात. असाच हटके प्रकार जुन्‍नर (junnar) तालुक्‍यात झालेल्‍या विवाह (Marriage) सोहळ्यात पहावयास मिळाला. नववधू– वरच्‍या लग्नाची वरात चक्क जेसीबीच्या बकेटमध्ये बसून निघाली. (Tajya Batmya)

निवडणुक जिंकल्यावर जेसीबीमधून गुलाल किंवा भंडारा उधळ्याचे आपण पाहिले असेल मात्र आपल्या मुलाच्या लग्नाची वरात एका जेसीबी चालकाने कारमधून नव्हे; तर चक्क जेसीबीच्या बकेटमध्ये बसून काढली. लग्‍नाच्‍या वरातीत काही तरी वेगळे करायचे; हा प्रत्‍येकाचा प्रयत्‍न असतो. यातून झालेल्‍या या हटकेबाज वरातीची चर्चा सध्या सर्वत्र सुरु आहे.

अन्‌ जेसीबीच्‍या बकेटला केली सजावट

जुन्नर तालुक्यातील खोडद येथील महेश गायकवाड यांच्या मुलाचे नुकतेच लग्न झाले. गायकवाड यांनी नवरदेव- नवरीला जेसीबीच्या बकेटमध्ये बसविले. या बकेटला चांगले डेकोरेशन करून लग्नाची वरात काढल्याने या लग्नात जेसीबीचीचं मोठी चर्चा रंगली होती.