जुन्नर (पुणे) : जुन्नर तालुक्यातील नारायणगाव जवळ दरंदळे मळ्यात घरासमोर तीन बिबट्याच्या (Junnar) टोळक्यांनी प्रवेश करत दहशत केली. या बिबट्याच्या (Leopard) टोळीचा दहशतीचा थरार सीसीटीव्ही (CCTV) कॅमेरात कैद झाला आहे. यामुळे परिसरात घबराट निर्माण झाली आहे. (Live Marathi News)

शिकारीच्या शोधात बिबट्या नागरी वस्तीत प्रवेश करत असल्याचे वारंवार समोर आले आहे. ऊसतोड अंतिम टप्प्यात येत असल्याने बिबट्यांचा मुक्त संचार लोकवस्तीत दिसुन येत असल्याने नागरिकांमध्ये भितीचे वातावरण पहायला मिळत आहे. यानंतर या बिबट्यांकडून पशु तसेच मनुष्यावर देखील हल्ले केल्याच्या घटना समोर आल्या आहेत. असाच प्रकार जुन्नर तालुक्यातील नारायणगाव जवळ पाहण्यास मिळाला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दोन तास बसले दबा धरून 

रात्रीच्या अंधारात तीन बिबट शिकारीच्या शोधात थेट घरासमोर संरक्षण भितीच्या आतमध्ये दाखल झाले. घराच्या बाजुने फेरफटका मारत दोन तास शिकारीच्या शोधात दबा धरुन बसले होते. घराच्या बाहेर बिबट बसल्याने घरातील नागरिक भितीच्या छायेखाली पहायला मिळाले.