जालना : जालना शहरातील शिवाजी पुतळा परिसरात असलेल्या वाशिंग सेंटरवर गाडी धुण्यावरून (Jalna News) झालेल्या किरकोळ कारणावरून वाद झाला. (Crime News) या वादातून एकाला आज पोटात खंजीर खुपसून गंभीर जखमी केल्याची घटना शिवाजी पुतळा परिसरात घडली आहे. (Breaking Marathi News)

शेख अलीम शेख जमील अस यात गंभीर जखमी झालेल्या तरुणाचे नाव आहे. दरम्यान सोमवारी (३१ जुलै) शेख अलीम हा वाशिंग सेंटरवर गाडी धूत असताना त्याचा एकाशी काल वाद झाला होता. त्या वादानंतर आज तिघेजण मोटरसायकलवरून जालना शहरातील वशिंग सेंटरजवळ आले. त्यांनी गाडी उभी करून (Police) खाली उतरून शेख अलीम याच्याजवळ आले आणि त्यांनी कमरेला खोसलेला खंजर काढून अलीम याच्या पोटात खुपसला. यात शेख अलीम हा जखमी होऊन खाली पडला. त्यावेळी दुचाकीवरून आलेल्या तिघांनी धुम ठोकली. 

पोलिसांकडून तपास सुरु 

परिसरातील नागरिकांनी तात्काळ घटनास्थळी धाव घेऊन जखमी तरुणाला रिक्षामध्ये टाकत घाटी रुग्णालयात उपचारसाठी दाखल केले. दरम्यान डॉक्टरांनी पाहणी करून त्याची प्रकृती गंभीर असल्याने त्याला खाजगी रुग्णालयात रेफर केले. घटनेची माहिती मिळताच सदर बाजार पोलीस निरीक्षक प्रशांत महाजन यांनी पथकासह घटनास्थळी धाव घेऊन पंचनामा करत तीनही आरोपीचा शोध सुरु केला आहे.