Jalna Crime: जालन्यात मानसिकदृष्टया मनोरुग्ण असलेल्या विधवा महिलेवर अत्याचार केल्याची संतापजनक घटना समोर आली आहे. पीडित मनोरुग्ण महिला तीन महिन्याची गरोदर राहिल्याने तिच्यावर अत्याचार करण्यात आल्याचा धक्कादायक प्रकार आला समोर आला. जालना तालुक्यातील थेरगाव येथील या घटनेने परिसरातील नागरिक संताप व्यक्त करत आहे.

मानसिकदृष्टया मनोरुग्ण असलेल्या विधवा महिलेवर तीन महिन्यांपूर्वी बलात्कार झाल्याची घटना जालना तालुक्यातील थेरगावात घडली आहे. ही 35 वर्षीय पीडित महिला गरोदर राहिल्याने हा धक्कादायक प्रकार समोर आला. या घटनेनंतर परिसरात खबळ उडाली आहे.

पीडित महिलेच्या भावाच्या तक्रारीवरून तालुका पोलीस ठाण्यात अज्ञात नराधमाविरुद्ध गुन्हा दाखल करण्यात आला आहे. मिळालेल्या माहितीनुसार, पीडित महिलेच्या पतीचे निधन झाले आहे. याचा या महिलेला मोठा धक्का बसल्याने तिचे मानसिक संतुलन बिघडले. मनोरुग्ण झाल्याने ही महिला आपल्या भावाच्या घरी राहते. (Latest Marathi news)

गेल्या दोन महिन्यापासून तिला मासिक पाळी न आल्याने कुटूंबातील महिलांनी तिला तपासणीसाठी डॉक्टरांकडे नेले, तेव्हा ती तीन महिन्यांची गरोदर असल्याचा धक्कादायक प्रकार समोर आला. ती मानसिक रूग्ण असल्याची संधी साधून अज्ञात नराधमाने तिच्यावर अत्याचार केला असावा असा आरोप पीडित महिलेच्या नातेवाईकांनी केला आहे.

पीडित महिलेच्या भावाने दिलेल्या तक्रारीवरून तालुका पोलिसांनी अज्ञात नराधमाविरुद्ध मनोरुग्ण असल्याचा फायदा घेत महिलेवर बलात्कार केल्या प्रकरणी गुन्हा दाखल केला आहे. या प्रकरणाचा पुढील तपास पिंक मोबाईल पथकाच्या सह पोलीस निरीक्षक पाटील यांच्याकडे वर्ग करण्यात आला आहे.