अक्षय शिंदे 
जालना : राज्यात सातत्याने मुलींवरील अत्याचाराच्या घटना सातत्याने घडत आहेत. अशातच जालन्यातील चंदनझिरा परिसरात एक धक्कादायक घटना घडली आहे. यात एका ९ वर्षाच्या मुलीवर अत्याचार करून तिला मारहाण करण्यात आल्याचा प्रकार समोर आला आहे. सदर मुलीला उपचारासाठी रुग्णालयात दाखल करण्यात आले आहे.   

जालन्यातील (Jalna) चंदनझिरा भागामध्ये ९ वर्षाच्या मुलीवर अत्याचार करून तिला मारहाण केल्याची घटना उघडकीस आली. हि घटना १३ ओक्टोम्बरच्या रात्री घडली. मुलीला मारहाण करून तिला रस्त्याच्या बाजूला फेकून दिले. संशयीत आरोपींनी चिमुकलीवर अत्याचार आणि मारहाण केल्यानंतर तिला रस्त्यावर फेकून दिल्याची देखील माहिती समोर येत आहे. (Crime News) अत्याचार आणि मारहाणीनंतर चिमुकली बेशुद्ध अवस्थेत मिळून आल्याची देखील माहिती समोर आली आहे.

मुलगी या घटनेत बेशुद्ध झाल्याने तिचा शोध लागल्यानंतर तिला उपचारासाठी दाखल केल्यावर सदर घटना उघडकीस आली. या प्रकरणी पोलिसांनी ५ संशयित आरोपींना ताब्यात घेतले असून अज्ञात आरोपी विरोधात चंदनझिरा पोलीस ठाण्यात गुन्हा दाखल करण्यात आला. याप्रकरणी अधिक तपास चंदनझिरा पोलीस करत आहे. दरम्यान चिमुकलीची  प्रकृती सध्या स्थिर असून तिला पुढील उपचारासाठी संभाजीनगर येथे हलवण्यात आले आहे.