जालना : जालना शहरातल्या औद्योगिक वसाहतीजवळ असलेल्या चौकात ट्रॅकरच्या मागच्या चाकाखाली दुचाकी आल्याने मुख्यध्यापकाचा दुर्देवी मृत्यु (Accident Death) झाल्याची घटना शहरात घडली. रामदास नामदेव जावळे असे या मुख्यध्यापकाचे नाव आहे. (Breaking Marathi News)

चंदन झिरा परीसरात असलेल्या नानासाहेब पाटील प्राथमिक विद्यालयातील आपले काम आटपून ते दुपारी तीनला जालना शहराकडे जात होते. या दरम्‍यान चौफुलीवर जैन ब्लॉक मोव्हर्स कंपनीचा ट्रॅकर राजूर चौफुलीकडे वळण घेत होता. यावेळी मागच्या टायरखाली दुचाकी अडकली. यामुळे दुचाकीवरून मुख्याध्यापक जावळे हे मागच्या चाकाखाली आल्याने त्याच्या या अपघातात दुर्देवी मृत्यू झाला.

टँकर चालक फरार

अपघातानंतर ट्रँकर चालक फरार झाल्याने या ठिकाणी मोठी ट्रॅफिक जाम झाली होती. घटनेची माहिती मिळताच चंदणझिरा पोलिस ठाण्याचे पोलिस निरीक्षक नाचणं, पोलिस कॉन्स्टेबल शिंदे यांनी घटनास्थळी दाखल झाले. वाहतूक सुरळीत करत मृत्यूदेह शासकीय रुग्णालयात पाठवत ट्रँकर ताब्यात घेतला. घटनेची माहिती कळताच चंदणझिरा परिसरातील नागरिकांनी या ठिकाणी मोठी गर्दी केली होती.