पारोळा (जळगाव) : बाजार समितीच्या आलेल्या अर्जांच्‍या छाननीत काही अर्जांवर हरकती आल्या होत्या. त्यावर (Jalgaon News) चर्चा होऊन आज सुनावणी झाली. यात माजी आमदार डॉ. सतीश पाटील यांचे सर्वसाधारण व इतर मागासवर्गीय या दोन्ही मतदारसंघातील अर्ज अवैध ठरविण्यात आले आहे. (Tajya Batmya)

जळगाव जिल्हा परिषद माजी सभापती डॉ. दिनकर चुडामण पाटील यांनी डॉ. सतीश पाटील यांच्या अर्जांवर हरकती घेतल्या होत्या. त्यावर दोन्‍ही बाजूच्या वकिलांनी युक्तिवाद केला होता. त्यानुसार निवडणूक अधिकारी कासार यांनी ही दोघ नामांकन अवैध ठरविले. तसेच अमोल चिमणराव पाटील (Bajar Samiti Election) यांच्या नामांकनावर घेतलेल्या हरकतीस फेटाळून लावून त्यांचे नामांकन वैध ठरविण्यात आले. तसेच रेखा सतीश पाटील यांचाही उमेदवारी अर्ज वैध ठरविण्यात आला आहे.

१५५ उमेदवार रिंगणात

एकूण १६० नामांकनापैकी पाच नामांकन अवैध ठरविण्यात आले असून १५५ नामांकन रिंगणात आहेत. सेवा सहकारी गटातून सर्वसाधारण एक इतर मागासवर्गीय एक ग्रामपंचायत सर्वसाधारण दोन तर आर्थिक दुर्बल एक अशी एकूण पाच नामांकन अवैध करण्यात आले आहे. तीन उमेदवारांनी आपले सातबारा व शेतकरी असल्याचा दाखला दिला नसल्याने त्यांची नामांकने रद्द ठरविण्यात आली आहेत.