पाचोरा (जळगाव) : खडकदेवळा (ता. पाचोरा) येथे मावशीकडे आलेल्या गोविंद समाधान मोरे (वय २३) या युवकाचा धरणाच्या (Jalgaon News) पाण्यात बुडून मृत्यू झाल्याची घटना १ एप्रीलला घडली. त्यामुळे वाडे गुढे व खडकदेवळा येथे शोककळा पसरली. (Tajya Batmya)

वाडे गुढे (ता. भडगाव) येथील रहिवासी असलेला गोविंद मोरे हा २७ एप्रिलला खडकदेवळा (ता. पाचोरा) येथे आपल्या मावशीकडे आला होता. तो रविवारी (ता. ३०) खडकदेवळा (Pachora) येथील हिवरा धरणाच्या पाण्यात पोहण्यासाठी गेला. परंतु पाण्याचा अंदाज न आल्याने त्याचा बुडून मृत्यू झाला. तो बुडाल्याची घटना गावात कळताच पट्टीच्या पोहणाऱ्यांनी धरणाकडे धाव घेतली व त्याचा शोध घेण्याचा प्रयत्न केला.

दुसऱ्या दिवशी आढळला मृतदेह

दरम्यान, १ मेस दुपारी गोविंदचा मृतदेह धरणाच्या पाण्यावर तरंगताना दिसून आला. रुग्णवाहिका चालक किशोर लोहार यांनी मृतदेह ग्रामीण रुग्णालयात आणला व शवविच्छेदन करून तो नातलगांच्या ताब्यात दिला. मृत गोविंद मोरे हा चार बहिणींचा एकुलता भाऊ होता. त्याच्या पश्चात आई, वडील, चार बहिणी असा परिवार आहे. त्याच्या मृत्युमुळे वाडे गुढे व खडकदेवळा या दोन्ही गावात शोकळा पसरली.