जळगाव : कर्ज काढून मालवाहु गाडी घेतली होती. या गाडीच्‍या लांबपल्ल्‍यावर ट्रीप मारून त्‍यातून मिळत असलेल्‍या रक्‍कम घराचा उदरनिर्वाह सुरू होता. परंतु, घरात कोणी नसताना तरुणाने गळफास घेऊन आत्महत्या (Suicide) केल्याची घटना भादली बु. (ता. जळगाव) येथे उघडकीस आली. (jalgaon news Young man commits suicide by hanging himself when no one is at home)

भादली येथील भरत भिकन पाटील (वय २३) हा आई-वडील, पत्नी व लहान भावासह वास्तव्यास होता. भरतने काही दिवसांपूर्वी कर्ज काढून चारचाकी वाहन घेतले होते. तर आई- वडील शेती काम करतात. भरत आणि त्याचा लहान भाऊ हे दोघे जण (Pune) पुणे, नागपूर, मुंबई आणि गुजरात (Gujrat) या ठिकाणी लांब पल्ल्याच्या ठिकाणी वाहन चालवून उदरनिर्वाह करतात.

घरात होता एकटाच

भरतचा लहान भाऊ ट्रीपसाठी मुंबईला (Mumbai) गाडी घेऊन गेला होता. भरतने घराच्या मागच्या खोलीत गळफास घेऊन आत्महत्या केल्याची घटना उघडकीला आली. त्‍याचा मृतदेह पाहून पत्नीसह आई-वडिलांनी हंबरडा फोडला. त्याला तातडीने खाली उतरवून जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषित केले. याप्रकरणी जळगाव तालुका पोलिस (Police) ठाण्यात अकस्मात मृत्यूची नोंद करण्यात आली आहे.