जळगाव : मेहुण्यासह तिन जणांनी अत्याचार करून गर्भवती केलेल्या ३७ वर्षीय अपंग महिलेने आत्महत्या केल्याची धक्कादायक घटना उघडकीला आली आहे. याप्रकरणी अडावद पोलीस (Police) ठाण्यात तीन जणांवर गुन्हा दाखल करण्यात आला आहे. (jalgaon news Suicide of a six month pregnant disabled woman due to torture)

चोपडा (Chopda) तालुक्यातील एका गावात ३७ वर्षीय महिला आपल्या भावासह वास्तव्याला होती. सदर महिला ही अपंग असल्याने ती भावाकडे राहत होती. दरम्यान मेहुण्यासह इतर तिन जणांनी तिच्‍या अपंगत्‍वाचा फायदा घेत वारंवार अत्याचार केला. या अत्याचारातून महिला ६ महिन्याची गर्भवती राहिली.

त्रास असह्य झाल्‍याने टोकाचे पाऊल

त्रास सहन न झाल्याने पीडीत महिलेने टोकाचे पाऊल उचलले. पंचक गावाच्‍या शिवारातील पुष्‍पा पाटील यांच्‍या शेतातील कोरड्या विहरीत पिडीत महिलेने २४ जानेवारीला सकाळी साडेआठ वाजेपुर्वी आत्महत्या (Suicide) केल्याचे उघडकीला आले आहे. याप्रकरणी पीडीत मुलीच्या भावाच्या फिर्यादीवरून देविदास पुंडलिक सपकाळे, अविनाश देविदास सपकाळे, आनंद देविदास सपकाळे यांच्‍या विरूद्ध अडावद पोलीस ठाण्यात तिघांवर गुन्हा दाखल करण्यात आला आहे. पुढील तपास सपोनि किरण दांडगे करीत आहे.