जळगाव : भुसावळ तालुक्यातील एका गावात अल्‍पवयीन तरुणीचा विनयभंग झाला. यानंतर त्‍या अल्पवयीन तरुणीने गळफास घेत आत्महत्या केल्याची खळबळजनक घटना घडली आहे. (jalgaon news Suicide of a minor girl after molestation)

भुसावळ (Bhusawal) तालुक्‍यातील गावात युवराज उर्फ गोलू रविंद्र नेहते (वय २३) याने १ फेब्रुवारीला दुपारच्‍या सुमारास गैरवर्तन करण्याच्‍या उद्देशाने घरात प्रवेश केला. त्यानंतर त्‍याने पिडीतेला आमीष दाखवून तिचा विनयभंग केला. त्या गोष्टीचा अल्पवयीन पिडीत मुलीने मनस्ताप करून घेवून राहत्या घरात छताला ओढणीच्या साह्याने गळफास घेत आत्महत्या (Suicide) केली. या संदर्भात भुसावळ तालुका पोलीस (Police) स्थानकात युवराज उर्फ गोलू रविंद्र नेहते विरुद्ध आत्महत्येस प्रवृत्त केल्यासह पोस्को ८ प्रमाणे गुन्हा दाखल करण्यात आला आहे. पुढील तपास सपोनि अमोल पवार हे करीत आहेत.