रावेर (जळगाव) : एसटीच्‍या रावेर आगारातील बसचालक कन्हैय्या भिका अटकाळे (वय ४७) यांनी राहत्या घरी थेरोळा (ता. रावेर) येथे आत्महत्या केली. याबाबत रावेर पोलिसांत अकस्मात (Raver Police) मृत्यूची नोंद करण्यात आली आहे. (jalgaon news st strike Another ST driver commits suicide raver depot)

रावेर (Raver) आगारात कन्हय्या अटकाळे हे चालक म्हणून कार्यरत होते. त्यांनी शनिवारी (ता. १२) रात्री उशिरा घराच्या छताला दोर बांधून गळफास घेत आत्महत्या (Suicide) केली. याबाबत रावेर पोलिस निरीक्षक कैलास नागरे यांच्या मार्गदर्शनाखाली हवालदार अर्जुन सोनवणे तपास करत आहेत. त्यांच्या आत्महत्येचे कारण समजू शकले नाही.

तासाभरापुर्वीच पत्नीने दिली होती तक्रार

अटकाळे एसटीच्या संपात (St Strike) सहभागी होते. शनिवारी रात्री नऊच्या सुमारास त्यांच्या पत्नीने ते दारू पिऊन शिवीगाळ करीत असल्याची आणि आत्महत्या करण्याची धमकी देत असल्याची तक्रार येथील पोलिस ठाण्यात दिली होती. तक्रार लिहिली जात असतानाच त्यांनी आत्महत्या केल्याचा निरोप पोलिस ठाण्यात पोचला. त्यांचा मुलगा विशाल याने दिलेल्या खबरीवरून रावेर पोलिसात अकस्मात मृत्यूची नोंद करण्यात आली आहे.