जळगाव : आमच्या कार्यकर्त्यांना कोणी धमक्या देत असेल, तर त्यांचाही त्याच पद्धतीने सामना करू. आमचा जन्म (Shiv Sena) शिवसेनेत झाला असून धमक्या देणे व अन्य ज्या विद्या धमक्या देणाऱ्यांना येतात त्या विद्या त्यांच्यावरच उतरवू; असा इशारा शिवसेना उद्धव बाळासाहेब ठाकरे (Uddhav Thackeray) पक्षाचे संपर्क प्रमुख संजय सावंत यांनी दिला. (Breaking Marathi News)

जळगाव (Jalgaon) व धरणगाव तालुका युवा सेना व शिवसेना (ठाकरे गट) पदाधिकाऱ्यांची बैठक शहरातील लेवा भवन येथे झाली. यावेळी माध्‍यमांशी संवाद साधतांना सावंत बोलत होते. बैठकीला महापौर जयश्री महाजन, जिल्हा प्रमुख विष्णू भंगाळे, सहसंपर्क प्रमुख गुलाबराव वाघ, जळगाव शहर महानगर प्रमुख शरद तायडे, मनपा विरोधी पक्षनेते सुनील महाजन आदी उपस्थित होते.

निवडणूका महाविकास आघाडी म्हणून लढवू

शिवसेनेचे धनुष्यबाण चिन्ह आगामी निवडणूक मविआ म्हणून लढणार. शिवसेना फोडण्याचे ज्यांनी पाप केले. त्यांना मातीत घातल्याशिवाय आम्ही गप्प बसणार नाही. आगामी काळातील स्थानिक स्वराज्य संस्था तसेच धरणगाव व नशिराबाद नगर परिषद निवडणूक महाविकास आघाडी म्हणून लढवू असेही सावंत यांनी स्पष्ट केले.