जळगाव : बोदवड नगरपंचायत निवडणुकीत सत्‍तांतर होवून शिवसेनेने विजय प्राप्‍त केला. नगरपंचायतीच्‍या पहिल्‍याच निवडणुकीत शिवसेनेला निर्विवाद बहुमत मिळाले असून, या विजयामुळे जळगाव जिल्‍ह्यात शिवसेनेने (Shiv Sena) आपले वर्चस्‍व राखल्‍याची भावना पाणीपुरवठा स्वछता मंत्री गुलाबराव पाटील (Gulabrao Patil) यांनी व्यक्त केली आहे. (jalgaon news Shiv Sena dominated district Gulabrao Patil statement in bodwad nagar panchayat election)

बोदवड नगरपंचायतीच्‍या (Bodwad Nagar Panchayat) १७ जागांसाठी झालेल्‍या निवडणुकीसाठीची मतमोजणी आज झाली. यात शिवसेनेला ९, राष्‍ट्रवादी ७ व भाजपला (BJP) केवळ १ जागा मिळाल्‍या आहेत. यामुळे येथील स्‍थानिक आमदार चंद्रकांत पाटील (Chandrakant Patil) यांच्‍या नेतृत्‍वाला बोदवडकरांनी पसंती दिली आहे; तर खडसे यांच्‍या पक्षांतराला नाकारल्‍याचे चित्र आहे.

बोदवडचा नक्‍कीच कायापालट

बोदवड नगरपंचायत निवडणुकीत शिवसेनेच्‍या विजयानंतर पालकमंत्री पाटील म्‍हणाले, की आमदार चंद्रकांत पाटील यांच्या नेतृत्वाला बोदवडकरांनी पसंती दिली आहे. या निवडणुकीमध्ये नगरपंचायत स्थापन झाल्यानंतर पहिल्या वेळेसच शिवसेनाला निर्विवाद बहुमत मिळालेले आहे. यामुळे खात्री आहे, की येत्या काळात बोदवडचे रखडलेले विकास कामे पूर्ण करून बोदवडचा कायापालट करण्याचे आश्वासन पालकमंत्री गुलाबराव पाटील यांनी दिले.