पारोळा (जळगाव) : शहरातील हवलदार मोहल्ला परिसरात कंमरेपासून भाग तुटलेल्या अवस्थेत नवजात अर्भक मृत स्थितीत आढळून आले. शहरात खळबळ उडाली आहे.

शहरातील हवलदार मोहल्ला परिसरात राहणारे इबा शेख यांच्या घरातील महिला सकाळी दहाच्‍या सुमारास कपडे वाळविण्यासाठी छतावर गेले. त्‍यावेळी त्यांना कंमरेपासून पाय नसलेला स्थितीत एका नवजात अर्भकाचा मृतदेह आढळून आला. या घटनेमुळे पारोळा शहरात खळबळ उडाली आहे.

निर्दयीपणाचा कळस

बालक कोणाचे आहे याचा काहीही तपास नसताना घराच्या छतावर कुणी आणून टाकले? कमरे खालचे शरीर छतावर आणून टाकण्यापुर्वी तुटलेले होते की छतावर कुत्र्यांनी त्याचे लचके तोडले? नवजात अर्भकाला अशा विचित्र पध्दतीने छतावर टाकून देणारे निर्दयी लोक कोण असावेत? असे अनेक प्रश्‍न सर्वांनाच निर्माण होत आहेत.