जळगाव : राज्याचे माजी मंत्री तथा राष्ट्रवादी काँग्रेसचे आमदार जितेंद्र आव्हाड यांच्यावर ७२ तासात खोटे गुन्हे दाखल करण्यात आले आहे. असे म्‍हणत (NCP) राष्‍ट्रवादी कॉंग्रेस आक्रमक झाली असून राज्‍य सरकार विरोधात आंदोलन केले आहे. (Letest Marathi News)

राष्‍ट्रवादीचे आमदार जितेंद्र आव्‍हाड (Jitendra Awhad) यांच्‍यावर विनयभंगाचा खोटा गुन्‍हा दाखल केला आहे. हा गुन्हा दाखल झाल्‍यानंतर आव्‍हाड यांनी व्‍टीट करत आमदारकीचा राजीनामा देत असल्‍याचे जाहीर केले. यानंतर राज्‍यभरात (Jalgaon NCP) राष्‍ट्रवादी कॉंग्रेसकडून आव्‍हाडांचे समर्थन करत राज्‍य सरकारचा निषेध केला जात आहे.

जळगावात आंदोलन

आमदार जितेंद्र आव्‍हाड यांच्‍यावर खोटे गुन्‍हा दाखल केल्‍याचा आरोप करत याच्या निषेधार्थ जळगाव राष्ट्रवादी काँग्रेसच्यावतीने शिंदे व फडणवीस सरकारच्या विरोधात आकाशवाणी चौकात आंदोलन करण्यात आले. याप्रसंगी जिल्हाध्यक्ष ॲड. रविंद्र पाटील, महानगराध्यक्ष अशोक लाडवंजारी, योगेश देसले, युवक जिल्हा उपाध्यक्ष भगवान सोनवणे, सुनिल माळी यांच्यासह आदी कार्यकर्ते उपस्थित होते.