जळगाव : मुंबई- नागपूर महामार्गावर जळगाव तालुक्यातील नशिराबाद येथे टोलनाक्यावर जिल्हा पोलिस अधीक्षक डॉ. प्रवीण मुंडे यांच्या पथकाने गुरुवारी (ता. २१) रात्री पावणेदहाच्या सुमारास अचानक छापा टाकला. रात्री उशिरापर्यंत (Jalgaon News) टोलनाक्यावर कारवाई सुरू होती. (Jalgaon Today News)

मुंबई- नागपूर (Nagpur) राष्ट्रीय महामार्गावर नशिराबाद गावाजवळ टोलनाका उभारण्यात आला आहे. नुकतेच या राष्ट्रीय महामार्गाचे चौपदरीकरण झाले असून, (Nashirabad Toll Plaza) नशिराबाद नाक्यावर बोगस बनावट पावत्यांच्या आधारावर वाहनधारकांकडून टोलटॅक्स वसूल करण्यात येत होता. या संदर्भात आरटीआय कार्यकर्ता दीपककुमार गुप्ता यांनी जिल्हा पोलिस (Police) अधीक्षकांना आणि जिल्हाधिकाऱ्यांना लेखी स्वरुपात तक्रार केलेली होती.

पथकाचा रात्री अचानक छापा

तक्रारीची दखल घेत जिल्हा पोलिस अधीक्षक डॉ. प्रवीण मुंडे यांच्या विशेष पथकाने गुरुवारी (ता. २१) रात्री पावणेदहाच्या सुमारास अचानक छापा टाकला. पथकाला या ठिकाणी मोठ्या प्रमाणावर बनावट आणि नकली पावत्या आढळून आल्याचे पोलिस दलाकडून सांगण्यात येत आहे. या प्रकरणात संपूर्ण चौकशी झाल्यानंतर रात्री उशिरा नशिराबाद पोलिसात गुन्हा दाखल करण्यात येणार असल्याचे पोलिसांकडून सांगण्यात आले.