जळगाव : जळगाव शहरातील शनिपेठ पोलिस ठाण्याच्या हद्दीतील श्रीराम कॉलनीतील रहिवाशी असलेल्या महिलेले घरात कोणी (Jalgaon) नसताना गळफास घेत आत्महत्या केल्याची घटना समोर आली. दरम्यान पती घरी आल्यानंतर दरवाजा उघडताच पत्नीचा मृतदेह पाहून पटीने आक्रोश केला. (Maharashtar News)

वैशाली विजय सोनार (वय २८) असे आत्महत्या केलेल्या विवाहितेचे नाव आहे. जळगावच्या श्रीराम कॉलनीतील रहिवासी विजय सोनार हे चहा दुकान चालवून कुटूबीयांचा उदनिर्वाह करतात. दिवसभर दुकानावर काम केल्यावर संध्याकाळी विजय सोनार घरी परतले. घराचे दार उघडताच पत्नी वैशाली गळफास घेतल्याचे बघताच त्यांनी भंबेरी उडून त्यांनी एकच आक्रोश केला.

आत्महत्येचे कारण अस्पष्ट 
घटनेची माहिती मिळताच शनिपेठ पोलिस ठाण्याचे पोलिस निरीक्षक रंगनाथ धारबळे, पोलिस नाईक प्रदीप नन्नवरे, रवींद्र बोदडे अशांनी घटनास्थळी पोहचून विवाहितेचा मृतदेह खाली उतरवून शासकीय वैद्यकीय महाविद्यालय व रुग्णालयात हलविले. डॉक्टरांनी तपासणी करुन त्यांना मृत घोषीत केले. रात्री शनिपेठ पेालिसांत अकस्मीक मृत्युची नोंद करण्यात आली आहे. मात्र वैशाली यांच्या आत्महत्येचे कारण अद्याप समजू शकले नाही.