यावल (जळगाव) : यावल तालुक्यात गेल्या दोन- तीन दिवसांपासून सुरू असलेल्या पावसामुळे सातपुडा परीसरातील मनुदेवीचा दुधाळ धबधबा सुरू झाला आहे. पर्यटकांची धबधबा (WaterFall) पाहण्यासाठी सुट्टीच्या दिवशी मोठी गर्दी होत आहे. (Manudevi Waterfall, Jalgaon News)

यावल (Yawal) तालुक्यातील सातपुडा जंगलात श्री क्षेत्र मनुदेवी मंदिर आहे. या मंदिरासमोर अंदाजे ४० फुट उंच असा धबधबा आहे. चिंचोलीपासून उत्तरेला दहा ते बारा किमी अंतरावर मनुदेवीचे स्थान असून पावसाळ्यात (Rain) या ठिकाणी हजारो पर्यटकांची मोठी गर्दी होत असते. सातपुडा पर्वताने जणू काही हिरवा शालू प्रदान करीत असल्याचे चित्र सध्या परीसरात दिसून येत आहे. येत्या पंधरा दिवसांत धबधबा वाढण्याची शक्यता आहे. पहिल्या पावसात कोसळणाऱ्या या धबधबात (Jalgaon News) डोंगरावरून पाण्याबरोबर लहान मोठे दगडगोटे कोसळण्याची शक्यता असते.

पहिल्‍या पावसातील धबधबा धोकादायक

तालुक्यासह जिल्ह्यात सुरू असलेल्या मुसळधार पावसामुळे तालुक्यातील पश्चिम भागात व सातपुड्याच्या परीसरात मुसळधार पाऊस झाल्याने मनुदेवी मंदिरासमोरील धबधबा पहिल्याच पावसात सुरू झाला आहे. पहिल्या पावसात सुरू होणारा धबधबा मोठा धोकादायक असल्याने यात जंगलातील कचरा, घाण, लाकडाचे ओंडके वगैरे दगड गोटे येत असल्याने कोणीही धबधबा कडे जाऊ नये; असे आवाहन मनुदेवी प्रतिष्ठानच्या वतीने करण्यात आले आहे. धबधबा सुरू झाल्यानंतर लगेच कोठवाय नदीलाही पुर आला होता. हे सर्व पाणी मनुदेवी परीसरात असलेले तलावात जमा होत असुन यामुळे आडगाव, कासारखेडा, चिंचोली परीसरात शेतकरी बांधवांना मोठा फायदा होतो. (Satpuda Manudevi Temple)