जळगाव : ईडीच्‍या कारवाया रोज पहायला व ऐकायला मिळत आहेत. रोज टीव्‍हीवर बातमी पहायला मिळत आहे. आता ईडी काय एलसीबीसारखी झाली आहे. रोज मरे त्‍याला कोण रडे अशी परिस्‍थीती झाली असल्‍याची प्रतिक्रीया पाणीपुरवठा स्वच्छता मंत्री गुलाबराव पाटील (Gulabrao Patil) यांनी दिली. (Gulabrao Patil Statement on ED)

अल्‍पसंख्‍यांक मंत्री तथा राष्‍ट्रवादीचे नेते नवाब मलिक (Nawab Malik) यांना ईडीने अटक झाल्यानंतर मुंबई (Mumbai) महानगरपालिकतील स्थायी समितीचे अध्यक्ष शिवसेनेचे (Shiv Sena) यशवंत जाधव यांच्याकडे आयकर विभागाने छापेमारी केली. यावर प्रतिक्रीया देताना पालकमंत्री गुलाबराव पाटील बोलत होते. गुलाबराव पाटील म्हणाले, की एलसीबी सारखी आता ईडी झाली असून, रोज मरे त्याला कोण रडे अशी परिस्थिती या ईडीने (ED) केली आहे. जोपर्यंत चालवायचे, तोपर्यंत चालू द्या अशी खोचक प्रतिक्रिया पाणीपुरवठा स्वच्छता मंत्री गुलाबराव पाटील यांनी दिली आहे.