जळगाव : मुख्यमंत्री पदाची स्वप्न पाहणार्‍या खानदेशाच्या नेत्याने लोककलावंत असो, की इतर समस्या याकडे दुर्लक्ष करत नुसतीच पदे मिळवली अन् पदे भोगली. मी मुख्यमंत्री झालो नाही; एवढंच बोलायचे स्वत:च्या पुढे मागे दोन गाड्या फिरवायच्या. मंत्री म्हणून मिरवायचं, एवढेच काम या लोकांनी केले; असा घणाघात गुलाबराव पाटील (Gulabrao Patil) यांनी केला. (jalgaon leader from Jalgaon got positions and suffered Gulabrao Patil target on Khadse)

जळगावात (Jalgaon) आयोजित कार्यक्रमानंतर पत्रकारांशी संवाद साधताना गुलाबराव पाटील यांनी खडसेंवर टीका केली. जळगाव जिल्ह्यात गिरीश महाजन (Girish Mahajan) व एकनाथराव खडसे (Eknath Khadse) असे दोन डाकू आहेत, असे मी बोललो होतो. डाकू म्हणजे बंदुका घेऊन निघालेले डाकू नाही. नाक खाजे अन् नक्टी खिजे. यांना दुसरा धंदा काय? असा सवाल करत गुलाबरावांनी निशाणा साधला.

गुलाबरावांचा खडसेंवर निशाणा

जे लोक आमच्यावर बोलतात त्या लोकांना माझे हेच सांगणे आहे की, मी पालकमंत्री म्हणून शाळा कवच व जिल्ह्यात सातशे गावांपेक्षा जास्त गावांमध्ये पाणी पोहचवले; असल्‍याचे गुलाबराव यावेळी म्हणाले.