तोंडापूर (जळगाव) : कुंभारी बुद्रुक (ता. जामनेर) येथील आसाराम राणू जोशी यांनी स्वतःच्या घरी गळफास घेऊन आत्महत्या केली. ही घटना बुधवारी (ता. २३) सायंकाळी सहाच्या दरम्यान घडली. या प्रकरणी पहूर पोलिसांत (police) रात्री उशिरा गुन्हा दाखल करण्याचे काम सुरू होते. (jalgaon news jamner Suicide of a farmer here at home)

कुंभारी बुद्रुक (ता. जामनेर) येथील शेतकरी (Farmer) आसाराम राणू जोशी (वय ५८) यांनी बुधवारी (ता. २३) सायंकाळी सहाच्या दरम्यान घरातील महिला गजानन महाराज प्रगट दिनाच्या कार्यक्रमाला गेले असता, घरात कोणी नसल्यामुळे नैराश्य येऊन गळफास (Farmer Suicide) घेतला. आसाराम जोशी यांचे कुंभारी बुद्रुक शिवारात गट क्रमांक ८९ /२ येथे चार एकर शेत असून, त्यांच्यावर तोंडापूर विविध विकास सोसायटीचे कर्ज आहे व शेतीकामासाठी बाहेरून काढलेले कर्ज या विवंचनेत असताना अतिवृष्टीमुळे शेतातील उत्पन्न कमी झाल्याने नैराश्य येऊन आत्महत्या (Suicide) केली असल्याचे ग्रामस्थांनी सांगितले.

रात्री उशिरा गुन्‍हा दाखल

माजी सरपंच सुरतसिंग जोशी, सुनील मोरे, डिंगाबर जोशी, नंदू मडाळे व ग्रामस्थांनी तत्काळ त्यांना रुग्णालयात नेले असता, डॉक्टरांनी त्यांना मृत घोषित केले. पहूर सरकारी दवाखान्यात दाखल करण्यात येऊन पहूर पोलिसांत रात्री उशिरा पोलिस निरीक्षक प्रताप इंगळे यांच्या मार्गदर्शनाखाली गुन्हा दाखल करण्यात आला आहे.