पारोळा (जळगाव) : गेल्या दोन दिवसांपासून पोलिसांनी अवैध धंद्यांवर करडी नजर टाकत तब्बल एक लाखाच्यावर मुद्देमाल जप्त केला आहे. त्‍यानुसार आज रत्नापिंप्री येथील रॉयल गार्डन हॉटेल येथे अमोल नागराज शिंदे हे अवैध दारूविक्री करत (Jalgaon News) असल्‍याची माहिती मिळाली. तेथे छापा टाकत कारवाई केली. (jalgaon news illegal trades More than one lakh items seized in two days)

रत्‍नापिंप्री येथे पोलिसांनी (Police) छापा टाकत दारूसाठा जप्‍त केला. साधारण 7 हजार 630 रुपयांचा माल मिळून आला. तसेच अमळनेर पारोळा रोडवरील भिलाली फाट्याजवळ शिवार हॉटेलजवळ वसंत भाऊराव मराठे यांचे ताब्यात एकूण 4 हजार 530 -रुपयांची इंग्लिश व देशी दारू मिळून आली आहे. सदरची कारवाई पो नि रामदास वाकोडे, पो नि किरणकुमार बकाले यांचे मार्गदर्शनाखाली हवलदार विनोद साळी, सुनील वानखेडे, संदीप सातपुते, हवलदार राहुल पाटील, नंदलाल पाटील, भगवान पाटील, स्थानिक गुन्हये शाखा अशी दोन छापे टाकून संयुक्त कारवाई केली आहे.

सात अवैध दारूभट्टी उद्‌ध्‍वस्‍त

पोलीस पथकाने वरील एकूण सात अवैध दारुभट्टी व विक्री करणार हॉटेल मालकावर कारवाई करून एकूण 1 लाख 16 हजार 175 रुपयांचा मुद्देमाल जप्‍त केला. दारुभट्टी वाले व देशी व विदेशी दारू विकणारे हॉटेल मालक,चालक यांचेवर गुन्हये दाखल करून कारवाई केलेली आहे.