जळगाव : रविवारची सुटी असतानाही महाविद्यालयात कामानिमित्ताने जात असल्याचे सांगून घरून गेलेल्या पतीला पत्नीने प्रेयसीसोबत नाश्ता करताना (Jalgaon) पकडले. यानंतर संताप अनावर झालेल्या पत्नीने दोघांना चोप देत पोलीस ठाण्यात हजर केले. (Jalgaon Crime News)
मिळालेल्या माहितीनुसार संबंधित तरुण हा शिरसोली रस्त्यावरील एका महाविद्यालयात नोकरीला आहे. रविवारची सुट्टी असतानाही तो महाविद्यालयात जायचे असल्याचे सांगून घरातून बाहेर पडला. यानंतर पती महाविद्यालयाच्या आवारात असलेल्या रेस्टॉरंटमध्ये प्रेयसीसोबत नाश्ता करत बसला होता. याबाबतची माहिती पत्नीला मिळाल्यानंतर तिने भावाला सोबत घेत रेस्टॉरंट गाठत पत्नीने दोघांच्या कानशिलात लगावली.
अदखलपात्र गुन्ह्याची नोंद
निर्भया पथक स्पॉटवर दाखल होत सर्वांना एमआयडीसी पोलीस (Police) ठाण्यात नेले. तिथे ठाणे अंमलदार रामकृष्ण पाटील यांनी पती- पत्नी आणि प्रेयसी असे तिघांचे म्हणणे ऐकून घेत प्रेयसीच्या आई- वडिलांनाही पोलीस ठाण्यात बोलावले.
प्रेयसीला तिच्या आई- वडिलांच्या तर प्रियकराला मेहुण्याच्या ताब्यात देण्यात आले. या घटनेच्या संदर्भात पत्नीने पती व प्रेयसीविरुद्ध तक्रार दिली असून त्यानुसार अदखलपात्र गुन्ह्याची नोंदविण्यात आला आहे. गुन्ह्याचा तपास समाधान टहाकळे करीत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.