जळगाव : संजय राऊत यांच्या कृत्यावरून त्यांची संस्कृती किती खालच्या पातळीची आहे हे कळतेय. राऊत (Sanjay Raut) यांचं डोकं फिरलं आहे. त्यांच्यासाठी ठाण्याच्या मनोरुग्णालयात बेड वाढवले आहेत; अशा शब्दात पाणीपुरवठा मंत्री गुलाबराव पाटील (Gulabrao Patil) यांनी संजय राऊत यांच्यावर टीका केली. (Breaking Marathi News)

संजय राऊत यांना खासदार श्रीकांत शिंदेंविषयी पत्रकार परिषदेत प्रश्न विचारण्यात आला होता. यावेळी श्रीकांत शिंदेंचे नाव ऐकताच राऊतांनी थुंकलं होतं. त्यांचा ऑन कॅमेरा थुंकल्याचा व्हिडीओ व्हायरल झाला. त्यांच्या या कृत्यावरून राज्याचं राजकारण तापलेलं दिसत आहे. राऊत यांच्‍या थुंकल्‍याच्‍या प्रकारावर मंत्री गुलाबराव पाटील यांनी जळगावात आपली प्रतिक्रीया दिली आहे.

लाज असेल तर राजीनामा द्या

ज्या ४१ आमदारांनी संजय राऊत यांना मतदान करून राज्यसभेवर पाठवले. त्यांच्या नावाने थुंकताहेत. त्यामुळे संजय राऊत यांना थोडी जरी (Jalgaon) लाज शरम असेल, तर त्यांनी आधी खासदारकीचा राजीनामा द्यावा; अशी मागणी देखील गुलाबराव पाटील यांनी बोलताना केली आहे.