जळगाव : जळगाव जिल्‍हा मध्‍यवर्ती सहकारी बँकेचे अध्‍यक्ष असलेले (NCP) राष्ट्रवादीचे नेते गुलाबराव देवकर यांनी बँकेच्या (JDCC Bank) अध्यक्षपदाचा राजीनामा दिला. तसेच श्यामकांत सोनवणे यांनी देखील उपाध्यक्षपदाचा राजीनामा दिला आहे. (Maharashtra News)

जळगाव जिल्‍हा बँकेवर महाविकास आघाडी- शिवसेना (शिंदे गट) यांची सत्ता आहे. निवडणुकीनंतर एका वर्षासाठी पद वाटपाचा निर्णय झाला होता. त्यानुसार गुलाबराव देवकर आणि श्‍यामकांत सोनवणे यांना अध्यक्ष आणि उपाध्यक्षपदी निवड झाली होती. दोघांचाही वर्षभराचा कार्यकाळ पूर्ण झाल्याने दोघांनी राजीनामे देण्याचा निर्णय संचालक मंडळाच्या बैठकीत झाला होता.

आज दिले राजीनामे

राष्ट्रवादी काँग्रेसचे नेते एकनाथ खडसे यांनी देवकर हे आपल्या पदाचा राजीनामा देतील; असे शुक्रवारी सांगितले होते. त्यानुसार आज सकाळी दहा वाजता अध्यक्ष गुलाबराव देवकर, उपाध्यक्ष श्यामकांत सोनवणे यांनी आपल्या पदाचे राजीनामे जिल्हा बँकेचे कार्यकारी संचालक जितेंद्र देशमुख यांच्याकडे सुपूर्द केले आहेत. या वेळी माजी संचालक वाल्मिक पाटील होते.