जळगाव : रशिया व युक्रेनमध्ये युध्द सुरू आहे. याचा परिणाम सोने, चांदीच्या बाजारावर झाला आहे. युध्दामुळे सोने, चांदीच्या दरात सातत्याने वाढ होत आहे. आज तर चांदीचे दर ७१ हजारांवर (प्रतिकिलो) पोचले आहे. तर सोने ५५ हजार ४०० इतके झाले आहे. या आठवड्यात सोने (Gold) तीन हजार व चांदी पाच हजाराने हजारांनी महागले आहे. (jalgaon news Gold and silver prices rise effects of the war on the market)

रशिया व युक्रेनमधील युद्धाचा (Russia Ukraine War) परिणाम शेअर बाजाराबरोबरच तेल, सोने, चांदी आदी वस्तूवर होत असून त्यांच्या किंमती वाढतच आहे. युद्धामुळे चांदीचा (Silver) प्रतिकिलो दर ६३ ते ६४ हजार असा होता. तो आज ७१ हजारावर पोचला आहे. चांदी पाच हजार महाग तर सोन्याच्या दरातही तब्बल तीन हजारांची वाढ झाली आहे. युध्द कालावधीत आतापर्यंत झाली आहे. आज सोन्याचा दर ५५ हजार ४०० प्रतितोळा (दहा ग्रॅम) आहे.

गुंतवणूक म्‍हणून खरेदी थांबली

गुंतवणूक म्‍हणून खरेदी केले जाणारे सोने, चांदीचे दागिन्‍यांचे मार्केटमधील तेजी सध्‍या कमी झाली आहे. वाढत्‍या दरामुळे खरेदी करणारे चक्रावले आहेत. काहींनी दरवाढीचा लाभ पदरात पाडून घेण्यासाठी सोने, चांदीचे दागिन्‍यांची मोड करत असल्‍याचे चित्र सध्‍या सोने बाजारात आहे.