जळगाव : लाडक्या गणरायाचे आगमन आता काही दिवसांवर राहिले आहे. यामुळे सर्वांचीच लगबग सुरू आहे. त्‍यानुसार मूर्ती कारागिरांतर्फे मूर्तीवर देखील (Jalgaon) अखेरचा हात फिरविण्याचे काम सुरू आहे. (Jalgaon News Ganesh Festival)

कोरोनामुळे (Corona) दोन वर्षानंतर यंदा जल्लोषात गणेशोत्सव (Ganesh Festival) साजरा होणार आहे. त्‍या दृष्‍टीने तयारी सुरू आहे. मूर्तीकारांना जास्तीत जास्त मूर्तीची उलाढाल होण्याची अपेक्षा आहे. मात्र, सर्वच वस्तुंची महागाई वाढत असताना मूर्ती करण्यासाठी लागणाऱ्या मालाच्या साहित्यातही वाढ झाल्याने यंदा मूर्तीच्या किंमतीत ३० टक्के वाढ करावी लागणार आहे. अपेक्षेप्रमाणे यंदा तरी मूर्तीची विक्री मोठ्या होण्याची अपेक्षा प्रमाणावर विक्रेत्यांमधून व्यक्त होत आहे..

मूर्ती महागल्‍या

जळगाव शहरात अनेक भागात मूर्ती बनविण्याचे काम सुरू आहे. मूर्ती तयार करण्यासाठी लागणाऱ्या कच्या मालाच्या किंमतीत ३० ते ३५ टक्के वाढ झाली आहे. तसेच कारागिरांचींही मजुरी वाढली आहे. त्यामुळे यंदा ३० ते ३५ टक्क्यांपर्यंत मूर्तीच्या किंमतीत वाढ करावी लागणार असल्याचे मुर्तिकारांनी सांगितले.