मुक्‍ताईनगर (जळगाव) : मुक्ताईनगर मतदार संघांमध्ये शिंदे गटाच्‍या सेनेचा आमदार आहे. तरी देखील एकाही ग्रामपंचायतीवर (Gram Panchayat) शिंदे गटाच्‍या सेनेचा झेंडा फडकला नाही. अर्थात मतदारांनी शिंदे सेनेला नाकारलेले असून राष्‍ट्रवादीच्‍या (NCP) पाठीशी उभे असल्‍याची प्रतिक्रीया आमदार एकनाथ खडसे यांनी दिली. (Tajya Batmya)

मुक्ताईनगर (Muktainagar) विधानसभा क्षेत्रातील १३ ग्रामपंचायतींपैकी १२ ग्रामपंचायतीवर राष्ट्रवादीचा झेंडा फडकला आहे. या विजयानंतर खडसे (Eknath Khadse) यांनी माध्‍यमांशी संवाद साधत राष्ट्रवादी काँग्रेस व नाथाभाऊंवर मतदारांनी विश्वास दाखवल्‍याचे सांगितले.

एका पराभवाने नाथाभाऊ संपलेला नाही

दूध संघामध्ये आमच्या पॅनलचा पराभव झाला, म्हणून नाथाभाऊ संपले अशी आवळी उठवली जात होती. जनतेतून निवडून आलेले हे सरपंच आहेत. यामध्ये सहा ते सात ग्रामपंचायती मोठ्या आहेत. त्यामुळे हे सिद्ध झाले की मुक्ताईनगरमधील मतदार हा राष्ट्रवादी काँग्रेसच्या पाठीमागे भक्कमपणे उभा आहे; अशी प्रतिक्रिया एकनाथराव खडसे यांनी दिली आहे.