जळगाव : रेशन कार्ड मिळवण्यासाठी सामान्य नागरिकांना मोठी कसरत करावी लागते. मात्र जळगाव जिल्ह्यातील धरणगाव येथे धरणी नाल्यात ३५ ते ४० केसरी रेशन कार्डचा गठ्ठा आढळून आल्याचा धक्कादायक प्रकार समोर आला आहे. (jalgaon-news-dharangaon-ration-cards-were-found-in-dharni-nala)

जळगाव जिल्ह्यातील धरणगाव येथे धरणे नाल्यात केशरी रेशन कार्ड आढळून आले आहे. मात्र हे रेशन कार्ड कोणी व का फेकले? याबाबत अद्याप कोणताही खुलासा झालेला नाही. तरी धरणगाव येथील भाजपचे पदाधिकारी संजय पाटील यांनी घटनास्थळावरून तहसीलदारांची संपर्क साधला असता याप्रकरणी चौकशी करून कठोर कारवाई करण्यात येणार असल्याचे सांगितले आहे. तर रेशन दुकानदाराने हे रेशन कार्ड नाल्यात फेकून दिल्याचा अंदाज देखील वर्तविण्यात येत आहे.

लाभापासून वंचित ठेवण्याचा प्रयत्‍न?

केशरी रेशन कार्ड धारकांना शासनाच्‍या विविध योजनांचा लाभ मिळत असतो. मात्र रेशन कार्ड नाल्‍यात पिशवीत बांधून फेकल्‍याचा प्रकार समोर आला. तसेच अनेक रेशन कार्ड नाल्यात वाहून गेल्याचा अंदाज असून लाभाथ्‍र्यांना लाभापासून वंचित ठेवण्याचा प्रयत्‍न केला जात असल्‍याची शंका व्‍यक्‍त केली जात आहे.