जळगाव : ‘वॉटरग्रेस’चा सफाई मक्ता अनेक कारणांवरून वादात अडकलेला असताना आता काही दिवसांपासून सफाई कामगारांनी काम बंद केले आहे, तर दुसरीकडे घंटागाड्यांच्या नियमित फेऱ्याही घटल्या आहेत. कामगारांचे वेतनच होत नसल्याने ही स्थिती उद्‌भवली आहे. (jalgaon-news-corporation-Sweeping-of-cleaners-due-to-lack-of-cleanliness)

जळगाव शहरातील साफसफाईचा ठेका देण्यात आलेल्या वॉटर ग्रेस कंपनीच्या घंटागाडीवरील चालकांचे पगार रखडले आहेत. यामुळे सर्व घंटागाडी चालकांनी आज काम बंद आंदोलन पुकारले आहे. अगोदरच साथरोगांची साथ सुरू असताना घंटागाडी चालकांनी पुकारलेल्‍या कामबंद आंदोलनामुळे शहरातील स्‍वच्‍छतेचा बोजबारा उडाला आहे.

चालकांना निम्‍मेच पगार तर हेल्‍पर बिनपगारी

गेल्या काही दिवसांपासून घंटागाड्यांच्या फेऱ्याही नियमित होत नसून सफाई कामगार दोन महिन्‍यांपासून कामगारांना पगार मिळाला नसल्‍याचे कामगारांनी सांगितले. तसेच वेळेवर पगार होत नाही, करारानुसार ४८९ रोज असताना २५० रोज दिला जातो. तर हेल्परला पगार नसल्‍याने आज ८५ चालक आणि ८५ हेल्पर यांनी आंदोलन पुकारले आहे.