जळगाव : मागील दोन आठवड्यांपासून कोरोनामुक्‍त झालेल्‍या जळगाव शहरात कोरोनाचा एक नवा रुग्ण आढळून आला आहे. यामुळे कोरोना (Corona) वाढीची धास्‍ती वाटत असून नागरीकांनी काळजी घेणे हा सुरक्षित उपाय आहे. (jalgaon news Corona patient found again in Jalgaon)

देशात काही भागात कोरोना वाढीची संख्‍या येत आहे. या दरम्‍यान चौथ्या लाटेची चर्चा सुरू असताना जिल्ह्यात नवा रुग्ण आढळून आला आहे. जळगाव (Jalgaon) जिल्ह्यात दोन आठवड्यांपासून कोरोनाचा एकही रुग्ण आढळून आलेला नव्हता. परंतु, बुधवारी झालेल्‍या ३४ आरटीपीसीआर चाचण्या तर ७१ अँटिजन चाचण्यांमध्‍ये एक नवा रुग्ण आढळून आला आहे.

चाचण्या वाढवण्यासाठी प्रयत्‍न

काही महिन्यांपूर्वी कोरोनाची भीती असल्याने नागरिक साधा खोकला आणि ताप असला तरी कोरोनाची चाचणी करण्यासाठी येत होते. परंतु, कोरोनामुक्‍त झाल्‍यानंतर नागरीक अगदी बिनधास्‍त झाले होते. परंतु, आता चौथ्या लाटेच्या पार्श्वभूमीवर प्रशासनाला चाचण्या वाढवाव्‍या लागणार आहेत. नागरीक स्वत: चाचणीसाठी येत नसल्‍याची चित्र सध्‍यातरी आहे.