चाळीसगाव (जळगाव) : कन्नड घाटाच्या मेन बत्तीजवळील खोलदरीत एका ४२ वर्षीय अनोळखी इसमाचा मृतदेह आढळून आला आहे. याप्रकरणी ग्रामीण पोलीसात (Police) अकस्मात मृत्यूची नोंद करण्यात आली आहे. (jalgaon news chalisgaon Unclaimed body found in Kannada Ghat)

चाळीसगाव- कन्नड दरम्यान असलेल्या कन्नड घाटातील मेन बत्तीजवळील पंधरा फूट खोल दरीत एका ४२ वर्षीय अनोळखी इसमाचा मृतदेह बुधवारी आढळून आला. सदर घटनेची माहिती मिळताच ग्रामीण पोलिसांनी घटनास्थळी येऊन पाहणी केली. मृतदेहाला (Death) शवविच्छेदनासाठी ग्रामीण रुग्णालयात (Hospital) दाखल करण्यात आले. परंतु सदर इसमाची ओळख अद्याप पटलेली नाही. पोलिस याचे तपास करीत आहे. तत्पूर्वी मयताचे कारण अद्याप स्पष्ट झालेले नसून वैद्यकीय अधिकारी यांच्या खबरीवरून चाळीसगाव ग्रामीण पोलीस स्थानकात अकस्मात मृत्यूची नोंद करण्यात आली आहे. पोलिस निरीक्षक संजय ठेंगे यांच्या निर्देशानुसार पुढील तपास सपोनि हर्षा जाधव हे करीत आहे.