जळगाव : सिहोरकडे (मध्य प्रदेश) निघालेल्या कारचे अचानक टायर फुटले. यामुळे झालेल्या अपघातात (Jalgaon) जळगावमधील तुकाराम वाडीतील २४ वर्षीय तरुणाचा मृत्‍यू झाला. तर कार चालकासह इतर पाच जण गंभीर जखमी झाले. (Accident) सूरज रामेश्वर जोमाळकर असे मृत तरुणाचे नाव आहे. (Latest Marathi News)

जळगावमधील तुकाराम वाडीतील सूरज जोमाळकर इतर पाच मित्रांसोबत शनिवारी (१५ जुलै) सकाळी सातच्या सुमारास कारने मध्य प्रदेशातील सिहोरला जाण्यासाठी निघाले. कारमध्ये चालकासह एकूण सात तरुण होते. सायंकाळी सेंधवा गावाजवळून पोहचल्‍यानंतर कारचे टायर फुटल्याने कार उलटली. या अपघातात सूरज जोमाळकर आणि त्याचा मित्र भावेश राक्षे (वय २१) व इतर सर्व गंभीर जखमी झाले.

उपचारादरम्‍यान झाला मृत्‍यू

कारमधील सर्व जखमींना जवळच्या एका हॉस्पिटमध्ये हलविण्यात आले. तेथे उपचारादरम्यान सूरज जोमाळकर याचा मृत्यू झाला. या अपघातामुळे काही वेळ महामार्गावरील वाहतूक खोळबंली होती. मृत सूरज व जखमी झालेल्या तरुणांचे कुटुंब व नातेवाईक रात्री उशीरा सेंधव्याकडे पोहचले. तेथे पोचल्यावर सेंधवा पोलिसांकडे कायदेशीर प्रक्रिया पूर्ण केली व मृतदेह ताब्यात घेतला.