जळगाव : कोरोनाच्‍या प्रादुर्भावात मंदिरे बंद केली होती. परंतु, गेल्‍या दोन महिन्‍यांपासून कोरोनाचा प्रादुर्भाव कमी झाला असून, या काळात सर्व सुरू झाले आहे. मात्र मंदिर उघडण्यास अद्याप परवानगी दिलेली नाही. या विरोधात भाजपतर्फे राज्‍यव्‍यापी आंदोलन पुकारले आहे. त्‍यानुसार जळगावात देखील भाजपने राज्‍य सरकारच्‍या विरोधात शंख फुंकला. (jalgaon-news-BJP-blows-conch-shells-in-Jalgaon-to-open-temples)

कोरोना काळात मागील अनेक दिवसांपासून बंद असलेली मंदिरे उघडण्यासाठी आज जळगाव शहर भाजपच्यावतीने आंदोलन केले. जळगावात गोलाणी मार्केटजवळील हनुमान मंदिरासमोर जळगाव शहर भाजपतर्फे आंदोलन केले. यावेळी जिल्‍हाध्‍यक्ष आमदार सुरेश भोळे यांच्या नेतृत्वाखाली शंखनाद आंदोलन केले. यावेळी महानगर अध्यक्ष दिपक सुर्यवंशी, विशाल त्रिपाठी, महेश जोशी, नितीन इंगळेसह यांच्या शहर महिला आघाडी उपस्थित आहे.

उपासमारीची वेळ

कोरोनाचा प्रादुर्भाव कमी असताना देखील ठाकरे सरकारने मंदिरे उघडण्याची परवानगी दिलेली नाही. मंदिरे बंद असल्याने लाखो गरिबांवर उपासमारीची वेळ आली आहे. त्यामुळे सरकारचा निषेध म्हणून भाजपतर्फे शंखनाद आंदोलन करण्यात येत आहे. यावेळी भाजपच्‍या कार्यकत्‍र्यानी राज्‍य सरकारविरोधात जोरदार घोषणाबाजी केली.