जळगाव : पाळधीजवळ श्री सिद्धी महागणपतीचे मंदिर उभारण्यात आले आहे. या महागणपतीचा (Ganpati) प्राणप्रतिष्ठा सोहळा सुरू आहे. या सोहळ्यादरम्‍यान महागणपतीवर दीड लाख नाण्यांचा अभिषेक करण्यात (Jalgaon) आला. एक, दोन, पाच व दहा रुपयांची अशी जवळपास दीड लाख नाणी होती. ती साडेचार लाख रुपयांपेक्षा अधिक होती. (Breaking Marathi News)

पाळधी (जळगाव) येथील श्रीसिद्धी महागणपती मंदीरात ३१ फूट उंच मूर्तीच्या १६ दिवसीय प्राणप्रतिष्ठा सोहळा साजरा होत आहे. या सोहळ्यात सोमवारी (२० फेब्रुवारी) १४ व्या दिवशी गणरायाला तब्बल दीड लाख रुपयांच्या नाण्यांचा अभिषेक करण्यात आला. गणरायाच्या चरणी जमा झालेल्या चिल्लरचे आज भाविकांना वाटप केले जात आहे. दरम्यान २२ फेब्रुवारीला सोहळ्याची सांगता होणार आहे. आजवर १ लाखापेक्षा अधिक भाविकांनी (Mahaganapati) महागणपतीचे दर्शन घेतले आहे.

चिल्लरचा साचला थर

अभिषेकात एक व दोन, पाच, व दहा रुपयांच्या नाण्यासह काही चांदीच्या नाण्यांचाही समावेश आहे. ही सर्व नाणी भाविकांनी उत्सफूर्तेपणे मंदीराकडे भेट, देणगी म्हणून जमा केली आहेत. या अभिषेकासाठी दहा टाक्या भरून ही चिल्लर ठेवण्यात आली होती. ३१ फूटावरून यजमानांनी पाईपने केलेल्या अभिषेकाद्वारे चिल्लर गणरायाच्या अंगावर पडून पायाखाली चिल्लरचा सडा पडला होता. यानंतर चिल्लर जमा करून भरून घेण्यासाठी चार स्वयंसेवक कार्यरत होते.