जळगाव : जळगाव जिल्ह्यातील पाचोरा येथे मनसेच्यावतीने संजय राऊत (Sanjay Raut) यांच्या पुतळ्याचे दहन करण्यात येणार होते. परंतु, त्याआधी कार्यकर्त्यांना पोलिसांनी ताब्यात घेतले आहे. संजय राऊत यांनी राज ठाकरेंवर केलेल्या टीकेमुळे (Jalgaon) जळगावातले मनसे (MNS) सैनिकही आक्रमक झाले आहेत. (Latest Marathi News)

मनसेचे अध्यक्ष राज ठाकरे यांनी खारघर येथे झालेल्या दुर्घटनेप्रकरणी राजकारण होऊ नये असे मत व्यक्त केले होते. त्यानंतर संजय राऊत यांनी राज ठाकरेंवर टीका केली होती. त्यामुळे जळगावातील मनसैनिकांनी संजय राऊत यांचा निषेध नोंदवला आहे. पाचोरा शहरातील मनसैनिकांनी आज एकत्र येऊन बैठक घेतली होती. बैठकीत संजय राऊत यांच्या पुतळ्याचे दहन करण्याचा इशारा देण्यात आला होता.

पोलिसांनी घेतले ताब्यात

संजय राऊत यांनी आपली बेताल वक्तव्य थांबवली नाही तर जशास तसे उत्तर दिले जाईल; असा इशारा मनसेच्या वतीने देण्यात आला आहे. आज चौकात पोहोचल्या नंतर पोलिसांनी मनसे कार्यकर्त्यांना ताब्यात घेतले आहे.