धुळे : शिरपूर तालुक्यातील मुंबई- आग्रा महामार्गावरून मध्यप्रदेशच्या बडवानीकडे कोंबड्या घेऊन जाणाऱ्या पिकअप वाहनास कुत्रा आडवा आल्याने अपघात झाला. यानंतर परिसरातील नागरिकांनी वाहनातील कोंबड्या पळवून देण्यातच धन्यता मानली. अपघातग्रस्त पिकअप वाहनामध्ये जवळपास सहाशेहून अधिक कोंबड्या परिसरातील नागरिकांनी पळवून नेल्या आहेत. (jalgaon-news-accident-news-Overturned-and-Citizens-flee-with-six-hundred-hens)

मुंबई– आग्रा राष्ट्रीय महामार्गावरून (Mumbai Agra Highway) शिरपूरकडून (Shirpur) बडवाणीकडे जाणाऱ्या पिकअप (एमपी ४६, जी. २१०५) हे कोंबड्या वाहतूक करणाऱ्या वाहनाचे राज्य सीमेवरील जामनिया शिवारात कुत्रा वाचवितांना चालकाचे नियंत्रण सुटले. यात पिकअप कठड्यावर आदळल्याने रस्त्याच्या कडेला पलटी झाला. अपघातात (Accident) वाहन मालक रोहित व चालक मोहम्मद जिलानी हे किरकोळ जखमी झाले.

नागरिकांची एकच गर्दी

अपघातग्रस्त वाहनात ६०० पेक्षा जास्त कोंबड्या असल्याने कोंबड्यांची लूटमार करण्यासाठी नागरिकांनी एकच गर्दी केली होती. या अपघातामध्ये कुठल्याही प्रकारची जीवीत हानी झाली नसून चालक व क्लिनर हे दोनही यामध्ये किरकोळ जखमी झाले आहेत.