महाराष्ट्र

विठू नामाच्‍या गजरात संत मुक्‍ताई पालखीचे पंढरपूरकडे प्रस्‍थान

विठू नामाच्‍या गजरात संत मुक्‍ताई पालखीचे पंढरपूरकडे प्रस्‍थान

संजय महाजन

जळगाव : आषाढ एकादशीनिमित्‍ताने पंढरपुरात पायी दिंडीने जाण्यास बंदी आहे. कोरोना प्रादुर्भावामुळे हे वारकरींना पायी दिंडीस परवानगी नाही. यामुळे राज्‍यभरातून पालखी या बसने रवाना होत आहे. त्‍यानुसार आज मुक्‍ताईनगर येथील श्री संत मुक्‍ताबाई पालखीचे आज पहाटे चारला प्रस्‍थान झाले. (jalgaon-news-aashadhi-wari-muktai-palkhai-going-morning-pandharpur)

आषाढ महिन्याच्या शुद्ध पक्षातील एकादशीला विठ्ठलाच्या भेटीची ओढ लागलेले वारकरी पंढरपुरात दाखल होतात. राज्यातील विविध भागांतून लाखो वारकरी पायी पंढरपूरला जातात. संत ज्ञानेश्वरांपासून ते जगद्गुरू संतश्रेष्ठ तुकाराम महाराज अशा अनेक संतांच्या पालख्या पंढरपूरला मार्गस्थ होतात. विठुनामाच्या गजरात पायी वारी करत पंढरपुरात दाखल होतात. यंदाची आषाढी एकादशी उद्या (ता. २०) आहे. यावर्षी संत मुक्ताईंच्या पादुका शिवशाही बसने पंढरपूरला रवाना झाल्या आहेत.

वरणगाव येथील वारकरीस पुजेचा मान

जळगाव जिल्ह्यातील संत मुक्ताई पालखीचे आज मुक्ताईनगर तालुक्यातील कोथळी गावातून पंढरपूरकडे प्रस्थान झाले. तत्‍पुर्वी मुक्ताई मंदिरात मूर्तीचा दुग्धाभिषेख, काकड आरती, महाप्रसाद करून पूजन करण्यात आले आहे. वरणगाव येथील वारकरी दीपक मराठे यांनी सपत्‍नी पुजन केले. यावेळी मोठ्या उत्साहात भजन किर्तन आणि आदिशक्ती मुक्ताबाईचा जयघोष केला.

फुलांनी सजविली बस

पंढरपूरच्या विठुरायाच्या आषाढी एकादशी वारीसाठी आदिशक्ती संत मुक्ताई पालखी सोहळा मुक्ताईनगर येथून आज (सोमवारी) पहाटे ४ वाजता शिवशाही बसने रवाना झाले. पालखी नेली जात असल्‍याने बस फुलांनी आकर्षक सजविण्यात आली होती. बसने पालखी निघण्यापूर्वी पारंपरिक पद्धतीने पुजन झाले. तीनशे बारा वर्षांची ही अखंड परंपरा आजतागायत कायम असल्याचे पाहायला मिळाले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Anant Chaturdashi 2025 live updates : अलका टॉकीज चौकात "श्रीमंत" दाखल

Ganesh visarjan 2025 : गणपतीचे विसर्जन करताना विपरीत घडलं, तीन तरुण पाण्यात वाहून गेले

Pune News: पुण्यात दगडूशेठ गणपतीची महाआरती पाहा VIDEO

ITR Filing : टॅक्स रिफंड परताव्याचा फॉर्म अडकून पडलाय? मग 'या' गोष्टी एकदा तपासाच

Akola Accident: गणेश विसर्जन करून परताना भक्तांवर काळाचा घाला; तरुणाचा जागीच मृत्यू

SCROLL FOR NEXT