जळगाव : दुध टँकर आणि ट्रकची समोरासमोर जोरदार धडक झाली. या अपघातामध्ये पाच जणांचा जागीच मृत्‍यू झाल्याची घटना जळगाव जिल्ह्यात मुक्ताईनगर (Muktainagar) तालुक्यात घोडसगावजवळ घडली आहे. (jalgaon muktainagar accident news Five killed as truck hits tanker)

पोलिस (Police) सुत्रांनी दिलेल्या माहतीनुसार आज पहाटे चारच्‍या सुमारास ही घटना मुक्ताईनगर मलकापूर रस्त्यावर ही घडली. धुळ्यावरून (Dhule) जळगावकडे (Jalgaon) येत असलेला दुधाचा टँकर रस्त्यात बंद पडला होता. यानंतर नव्याने दुसरा टँकर आणून पहिल्या टँकरमधील दूध भरले जात होते. याकरीता क्रेनचा वापर देखील केला जात होता.

ट्रकची जोरदार धडक

याच वेळी धुळ्याकडून भरधाव वेगात येणाऱ्या ट्रकने रस्त्यात बंद पडलेल्या टँकर व क्रेनला जोरदार धडक (Accident) दिली. यात दुध भरणारे पाच जण जागीच ठार झाले आहेत. पाचही मृत हे धुळे जिल्‍ह्यातील असल्‍याची प्राथमिक माहिती समोर आली आहे.