जळगाव : नशिराबादवळील उड्डाणपुलावर भुसावळकडून जळगावकडे (Jalgaon) सुसाट जाणाऱ्या कारचे टायर फुटले. यामुळे कार उलटली. या अपघातात (Accident) कारमधील चौघे सुदैवाने बचावले आहेत. (Tajya Batmya)

जळगाव जिल्हा केमिस्ट संघटनेचे अध्यक्ष सुनील भंगाळे शनिवारी (२२ जुलै) दुपारी भुसावळकडून जळगावकडे येत होते. या दरम्यान नशिराबादजवळील उड्डाणपुलावर कारचे टायर अचानक फुटल्याने चालकाचे स्टेअरिंगवरील नियंत्रण सुटले व कार उलटली. इतर वाहन धारकांनी कारमधून एका मागून एकाला बाहेर काढून तातडीने उपचारासाठी रवाना केले. 

चौघे किरकोळ जखमी 

अपघातग्रस्त कारमध्ये जिल्‍हा केमिस्ट असोसिएशनचे अध्यक्ष सुनील भंगाळे यांच्यासोबत सचिव अनिल झंवर, इरफान सालार, दिनेश मालू होते. अपघातात किरकोळ दुखापत वगळता कोणासही मोठी इजा झालेली नाही. अपघातग्रस्त कार अनिल झंवर यांची असल्याची माहिती समोर आली आहे. रात्री उशिरापर्यंत नशिराबाद पोलिसांत या प्रकरणी कुठलीही नोंद झाली नव्हती. मात्र, कार ताब्यात घेतल्याची माहिती नशिराबाद पोलिसांनी दिली.